#ETHIOPIA 🇪🇹 #USA 🇺🇸

#ETHIOPIA 🇪🇹 #USA 🇺🇸

ኢትዮጵያ እና አሜሪካ " የመከላከያና ደኅንነት ዘርፍ አጠቃላይ ስትራቴጂካዊ ትብብር እንዲመሠረት " የሚያስችል ስምምነት ፈጸሙ።

የኢትዮጵያ ከፍተኛ ወታደራዊ ልዑክ በሜጀር ጄኔራል ተሾመ ገመቹ መሪነት ወደ አሜሪካ በማቅናት፣ ከአሜሪካ መከላከያ መሥሪያ ቤት አመራሮች ጋር የሁለትዮሽ የጋራ ምክክር ማድረጉ ተገልጿል።

በምክክሩም ሁለቱ አገራት " አጠቃላይ የመከላከያና ደኅንነት ስትራቴጂካዊ ትብብር " ለመመሥረት፣ የመከላከያ ተቋማዊ ትብብርን ለማስፋፋትና ስትራቴጂካዊ ቅንጅታቸውን ለማጠናከር መስማማታቸው ተጠቅሷል።

ስምምነቱ በተለይ የሁለቱን አገራት ብሔራዊ ጥቅሞችና የጋራ ተጠቃሚነትን ማስጠበቅ፣ የጋራ መተማመንን ማጠናከር እና በአፍሪካ ቀንድ ዘላቂ ሰላምና መረጋጋትን ለማረጋገጥ የጋራ ጥረትን ማጠናከር ላይ ያተኮረ ነው።

በሁለቱ ወገኖች የተስማሙባቸውን ማዕቀፎች በፍጥነት ለመተግበርና የመከላከያ ግንኙነቱን ወደ ተሻለና ወደፊት ላይ ያተኮር ስትራቴጂካዊ አጋርነት ለማሸጋገርም ቁርጠኝነት መኖሩ ተገልጿል።

ኢትዮጵያ እና አሜሪካ ባለፈው ግንቦት ላይ የሁለትዮሽ መዋቅራዊ ምክክር ማዕቀፍ ስምምነት የተፈራረሙ ሲሆን ይህም " የመከላከያ እና ፀጥታ ትብብር " ላይ ያተኮረ ነበር።

ነሐሴ 15 ቀን 2018 ዓ/ም

@tikvahethiopia